१८ वर्षको उमेरमा नेपाली क्रिकेटमा आफ्नो छुट्टै पहिचान स्थापित गरि यू(१९ महिला क्रिकेट टिमको कप्तान भएकी कृतिका मरासिनी आज विवाह बन्धनमा बाधिदै छिन । काठमाडौंको कपनमा घर भएको र अहिले अष्ट्रेलियामा बस्दै आइरहेका अनिलसग उनले विवाह गर्न लागेकी हुन् । उनिहरु दुवै जानाको तिन वर्ष देखिको चिनजान भएको र पछी प्रेम भए पछि अहिले घर बाटै मागेर विवाह गर्न लागेका हुन् । अनिल अष्ट्रेलियामा बस्ने भएता पनि कृतिकाले भने यहि नेपाल मै बसेर आफ्नो क्रिकेट करियर अगाढी बढाउने भनेकी छिन ।
२०१९ मा चीनमा भएको बि एण्ड आर कप प्रतियोगितामा सर्वोत्कृष्ट बलर चुनिएपछी र काठमाडौंमा २०१९ भएको वुमन्स च्याम्पियन लिग ९डब्यूसिएल० विराटनगर टाइन्टसबाट खेलेपछी उनि एकाएक चर्चामा आएकी थिइन् । सन् २०१९ मा कृतिका खेलाडीको रुपमा चीनमा एक प्रतियोगितामा सहभागी हुँदा ११ विकेटका साथ प्रतियोगिताकै सर्वोकृष्ट बलर घोषित भएकी थिईन् ।
कृतिकाको सिनियर स्तरको राष्ट्रिय स्तरको प्रतियोगिता पीएम कप हो । प्रतियोगितामा कृतिका बेस्ट बलर बनेकी थिईन् । त्यसपछी लगातार ठिकठाक प्रदर्शन गर्दै आइरहेकी कृतिकालाइ नेपाली महिला क्रिकेटको भविस्यका रुपमा हेरिदै आइरहेको छ । गत वर्षको ४ जुनदेखि मलेसियामा भएको प्रतियोगितामा नेपाल क्रिकेट संघ ९क्यान० ले सोमबार कृतिका मरासिनीलाई कप्तानको रुपमा नियुक्त गरेको थियो । उक्त प्रतियोगितामा नेपालले मलेसिया, युएई, थाइल्यान्ड, चीन, भुटान, म्यानमार र कतारसँग प्रतिस्पर्धा गरेको थियो ।
१८ वर्षको उमेरमा नेपाली क्रिकेटमा आफ्नो छुट्टै पहिचान स्थापित गरि राष्ट्रिय सिनियर टिमको दाबेदारको रुपमा आउनु सानो कुरा होईन । कृतिका मरासिनी नेपालको महिला क्रिकेटको क्षेत्रमा एउटा सम्भावना बोकेको नाम हो । कक्षा १२ को बोर्ड परिक्षा नजिकिदै थियो । कृतिकालाई एक अन्तराष्ट्रिय प्रतियोगिताका लागि बन्द प्रशिक्षणमा नेपाल क्रिकेट संघ ९क्यान०ले बोलायो । उनलाई परिक्षाको संघारमा पोखराको बन्द प्रशिक्षणमा सहभागी हुनु थियो । पहिलो संस्करणको यू–१९ महिला विश्वकपको एसिया छनोट खेलका लागि सो बन्द प्रशिक्षण आह्वान गरिएको थियो । क्रिकेट उनका लागि भविष्य थियो । उनले कक्षा १२ को बोर्ड परिक्षा नदिने निर्णय लिईन् । र अभ्यासका लागि पोखरा लागिन् ।
सन् २०१९ मा चीनमा भएको एक अन्तराष्ट्रिय प्रतियोगिता खेलेको अनुभवका आधारमा क्यानले कृतिकालाई युवा टोलीको कप्तानको जिम्मेवारी दियो । कप्तानको नयाँ जिम्मेवारी सहित कृतिकाको टोली यू–१९ टी–ट्वान्टी विश्वकपको लक्ष्य बोकेर मलेसिया उड्यो । नेपाली टिमको लक्ष्य पहिलो संस्करण विश्वकपमा सहज रुपले स्थान सुरक्षित गर्नु थियो । नेपालले सो प्रतियोगिता अपेक्षा गरे अनुरुपको प्रर्दशन गर्न भने सकेन ।
